علقت يارا تامر، على طلاقها من مسلم، مؤكدة أن الطلاق كان نتيجة للخلافات مع عائلة زوجها. وقالت عبر "إنستجرام": "تم الطلاق بيني وبين مسلم، وبجد حسبي الله ونعم الوكيل فيكم، ربنا ينتقم منكم، أنا عارفة إني مكنش المفروض أطلع وأتكلم بس معنديش حاجة أغلى من كرامتي وشرفي قدام الناس. وأنى بعدت يمكن ترتاحوا وتسيبوني في حالي، للعلم إني من يوم ما اتجوزت مسلم كانت هي دي مشكلتنا، غير كده مكنش في أي مشاكل بينا، وشهادة حق إنه عمره ما زعلني وكان دايمًا واقف في ضهري، بس أنا اتظلمت كتير ومش مسامحة".


وكشف مسلم، مؤدي المهرجانات الشعبية، عن سبب طلاقه، قائلاً: "تم الطلاق بيني وبين مراتي، ودا بسبب مشاكل أهلي وفضيحتي قدام الناس، حسبي الله ونعم الوكيل في اللي كان السبب وخلى بينا مشاكل وكلام زي الزفت في السمعة والشرف والأعراض. وحلم وحدها إنها تعيش مبسوطة لا أكثر ولا أقل، ومش مسامح أختي ولا أمي ولا أخواتي، كلهم بجد على كل حاجة وصلوني ليها، أنا بجد بعد الست دي مفيش ست هتخش حياتي تاني".