القطط و السحر و الدارك ويب
الكلام اللي هكتبه دا لو انا مش اللي عيشته بنفسي مستحيل كنت هصدق او هقتنع .. من اسبوعين تقريبا الساعه 12:30 منتصف الليل جالي رسالة علي الواتس اب يا دكتور في حالة طوارئ ضروري ممكن تفتحوا انا اتخضيت و نزلت بالفعل علي المركز فيه ايه ؟ بصيت كده و ركزت لقيت بوكسات فيها قطط كتير و عرفت انهم 11 قطه !!! اول حاجة جات في دماغي انه ياما مرض فيروسي ياما حالة تسمم هي اللي ممكن تبقي جماعية كده . لكن الصدمه بقي اني بصيت للبنات اللي جايبينهم لقيتهم يبدوا عليهم القلق و التوتر و واحده منهم واقفه علي رجليها بالعافيه .. طيب ايه يا جماعه اللي حصل. ؟؟؟ ردت واحده منهم .. يا دكتور القطط ديه احنا جايبينهم من بيت من عند واحده بالعافيه اخدناهم و القطط متبهدلة جامد زي مانت شايف ... و بالفعل القطط كانت بين الحياة والموت !! طيب ليه كدا .. الصدمه التانية ... يا دكتور دي مش بس القطط .. دا البيت كله قطط متقطعه و مدفونه و هياكل قطط ووغالبا حيوانات تانية و هنا انا وقفت في ذهول تام ايه اللي بيحصل و ليه الست ديه بتعمل فيهم كده ... بدأت بالفعل احاول اعالج في القطط و ننقذ ما يمكن انقاذه و الحالات بين اصابات فيروسية و بكتيرية و جروح و مشاكل في الهيكل و و مشاكل جلدية .. و بعدين قدموا محضر في الشرطة و طلع اذن بدخول البيت . وفي يوم دخول البيت لجنه الوزاره اتصلت لو سمحت عايزين الطبيب اللي استلم الحالات يجي البيت و يشوف الهياكل ديه تقريبا ميته من فتره قد ايه .. بالفعل روحت البيت مكان مرعب جداا و كمية هياكل لقطط و دجاج و كلاب و هياكل مدفونه متقطعه .. و دخلنا البيت مع وجود اثار دم .. حضرت التحقيق الميداني مع اصحاب البيت لانهم كانوا بيحاولوا يقولوا كلام طبي غلط لتبرير . كمثال كانت الست بتقول ان القطط ميته عادي ولما جم يشيلوها علشان يدفنوها اتقطعت في ايديهم .. و طبعا دا علميا مستحيل يحصل و ووكلام كتير شبيه بكده ... و مازال حتي الان التحقيقات شغاله وولكن ما تم اثباته حتي الان ان الست صاحبة البيت كانت تستخدم الحيوانات في السحر و وضع التعويذات داخل اعضاء الحيوانات و دفنها و تقطيع القطط و تصوريها علشان الدارك ويب وانها بتبيع عليه الفيديوهات ديه بفلوس الحمدلله الحالات اللي اخدناها تم علاجها بدون نفوق اي واحد منهم .. تعديل الكلام دا مش مصر انا خارج مصر حاليا